RFI ខេមរភាសា លោកត្រាំ និងលោកហ្សេឡេនស្គី អះអាងថាការចរចាស្តីពីផែនការសន្តិភាព បានលទ្ធផលល្អកាន់តែច្រើន
លោកហ្សេឡេនស្គី បានទៅជួបប្រជុំជាមួយលោកដូណាល់ ត្រាំ កាលពីថ្ងៃអាទិត្យ ទី២៨ធ្នូ ដើម្បីនិយាយលម្អិតអំពីផែនការសន្តិភាព។ នៅចំពោះមុខអ្នកកាសែតក្រោយជំនួបនេះ ប្រធានាធិបតីទាំង២បានអះអាងថា បានជជែកគ្នា បានលទ្ធផលទៅមុខច្រើន គួរជាទីត្រេកអរ។ តែយ៉ាងណា នៅមានចំណុចមួយចំនួនមិនទាន់ត្រូវរ៉ូវគ្នា ទាក់ទិននឹងអនាគតទឹកដី “តំបន់ដុនបាស” របស់អ៊ុយក្រែន។ លោកហ្សេឡេនស្គី បានឲ្យដឹងដែរថាសហរដ្ឋអាមេរិក បានសន្យាការពារសន្តិសុខអ៊ុយក្រែន រយៈពេល១៥ឆ្នាំ តែលោកបានស្នើសុំឲ្យបានយូរជាងនេះ។