Անցած գիշեր «Կիևի վարչակազմը գրոհ է իրականացրել Ռուսաստանի նախագահի՝ Նովգորոդի մարզում գտնվող նստավայրի ուղղությամբ», այսօր հայտարարել է Ռուսաստանի ԱԳ նախարար Սերգեյ Լավրովը։ Ռուսաստանի արտաքին քաղաքական գերատեսչության ղեկավարի պնդմամբ՝ գրոհին մասնակցող բոլոր ԱԹՍ-ները ոչնչացվել են ՀՕՊ ուժերի կողմից։ «Հարկ է ուշադրություն դարձնել այն հանգամանքին, որ այս գործողությունը ձեռնարկվել է Ուկրաինայում իրադրության կարգավորմանն ուղղված ակտիվ բանակցությունների ֆոնին»,-ընդգծել է Լավրովը։ Նա շեշտել է՝ «ուկրաինական կողմի այս քայլն անպատասխան չի մնա»։ «Պատասխան հարվածի թիրախներն ու ժամկետը հստակեցված են»,- պնդել է Ռուսաստանի ԱԳ նախարարը։ Պաշտոնական Կիևը Լավրովի հայտարարություններին դեռ չի արձագանքել։