Në ueb-faqen e Komisionit Qendror të Zgjedhjeve deri në ora 07:50 janë procesuar 653 vendvotime nga 2.557 sosh, ose 25.54 për qind e votave. Deri në 07:50 nga përqindja e votave të proceduara Lëvizja Vetëvendosje ka 47.09 për qind të votave, Partia Demokratike e Kosovës 20.83 për qind dhe Lidhja Demokratike e Kosovës me 12.05 për qind. Tutje, nga të dhënat e KQZ-së bëhet e ditur se Lista Serbe ka 8.58 për qind, Aleanca për Ardhmërinë e Kosovës 5.14 për qind, ‘Kosova Demokratik Turk Partisi’ 1.61 për qind të votave, Nisma Socialdemokrate 1.16 për qind. Ndryshe, të dielën me 28 dhjetor qytetarëve iu drejtuan kutive të votimit për të katërtën herë brenda vitit, në zgjedhjet parlamentare në shkurt, pastaj ato lokale (dhe balotazhi) si dhe zgjedhjet e dhjetorit. /Telegrafi/