Јокиќ го повреди коленото, навивачите на Денвер во паника чекаат вести од докторите НБА 2025/2026 Филип Здравески 30.12.2025 / 08:34 Кошарка Еден од најдобрите кошаркари во светот, Никола Јокиќ, го повреди коленото на натпреварот против Мајами Хит и сега навивачите на Денвер Нагетс се во паника чекајќи вести од лекарите на клубот. Јокиќ се повреди три секунди пред крајот на првото полувреме и тоа на прилично необичен начин. Стоеше под кошот и почна да му помага на бекот Спенсер Џонс во чувањето на Хаиме Хакес, кој се упатуваше кон кошот. Џонс не забележа дека Јокиќ е пред него и токму кога српскиот центар зачекори напред, неговиот соиграч се повлече чекор назад и му ја згази ногата, а веднаш потоа Јокиќ падна на подот и со болна гримаса на лицето го зграпчи левото колено. Remote video URL Јокиќ ќе биде подложен на магнетна резонанца штом отокот ќе се смири, што треба да се случи во следните десет часа, по што ќе се знае степенот на неговата повреда и временскиот период во кој ќе мора да мирува. Навивачите на Денвер се во страв бидејќи претпоставуваат дека станува збор за повреда на лигаментите, што би можело да предизвика Јокиќ да мирува неколку месеци, па дури и до крајот на сезоната. Тренерот на Денвер, Дејвид Аделман, не сакаше да дава никакви предвидувања по натпреварот. „Штом падна, знаеше дека нешто не е во ред. Повеќе се грижам за него како личност отколку за него како кошаркар и како тоа би влијаело на нашиот тим“, рече Аделман. Патем, Јокиќ беше најдобриот играч на Денвер во целиот натпревар за 19 минути игра - постигна 21 поен со 5 скока и 8 асистенции. На полувреме, до кога играше Јокиќ, резултатот беше 63:63, а во последните две четвртини Денвер без Србинот не успе да држи чекор и загуби со 147:123. Remote video URL Никола Јокиќ НБА Денвер Нагетс Автор/Извор Ф.З. Прикажи во метро On