Հայաստանի պետականության և ինքնիշխանության ամրապնդման առումով անցնող 2025 թվականը թերևս վերջին տարիների լավագույն տարին էր, իր ամանորյա ուղերձում նշել է ԱԺ նախագահ Ալեն Սիմոնյանը: «Հենց այս տարի մենք մեր երկրի համար գալիք տարիների, տասնամյակների և գուցե հարյուրամյակների համար այնպիսի հիմքեր դրեցինք, որոնց վրա սկսել ենք թեկուզ զգուշորեն, բայց կառուցել տեսանելի, հասկանալի ապագա մեր երկրի և մեր ժողովրդի համար», - ասել է նա: Սիմոնյանի խոսքով՝ սրա անկյունաքարերից էին օգոստոսի 8-ի Վաշինգտոնյան համաձայնագիրը, Տավուշի մարզի սահմանազատված սահմանը: