ប្រទេស​ចិន​៖​ អ្នកនាំពាក្យក្រសួងការបរទេសចិនបាននិយាយកាលពីថ្ងៃពុធ៣១ធ្នូសប្ដាហ៍នេះថា ប្រទេសជាច្រើនបានបង្ហាញការគាំទ្រក្នុងទម្រង់ផ្សេងៗគ្នាចំពោះប្រទេសចិន បន្ទាប់ពីវិធានការតបត និងសមយុទ្ធយោធាថ្មីៗបំផុតរបស់ខ្លួនទាក់ទងនឹងតំបន់តៃវ៉ាន់ ហើយចិនបានកោតសរសើរយ៉ាងខ្លាំងដល់ប្រទេសទាំងនោះចំពោះការគាំទ្រយ៉ាងមុតមាំរបស់ពួកគេ។   បន្ទាប់ពីសមយុទ្ធយោធារបស់កងទ័ពរំដោះប្រជាជនចិន (PLA) នៅជិតកោះតៃវ៉ាន់ ប្រទេសរុស្ស៊ី គុយបា ស៊ែរប៊ី វ៉េណេស៊ុយអេឡា ហ្ស៊ីមបាបវ៉េ ប៉ាគីស្ថាន និងប្រទេសដទៃទៀត បានបង្ហាញការគាំទ្ររបស់ពួកគេ។ ជាការឆ្លើយតប អ្នកនាំពាក្យលោក Lin Jian បានប្រាប់សន្និសីទសារព័ត៌មានជាប្រចាំថា ប្រទេសទាំងនេះបានបញ្ជាក់ជាថ្មីនូវការប្តេជ្ញាចិត្តរបស់ខ្លួនចំពោះគោលការណ៍ចិនតែមួយ ការប្រឆាំងការជ្រៀតជ្រែកពីខាងក្រៅក្នុងកិច្ចការផ្ទៃក្នុងរបស់ប្រទេសចិន និងការគាំទ្រចំពោះកិច្ចខិតខំប្រឹងប្រែងរបស់ប្រទេសចិនក្នុងការការពារអធិបតេយ្យភាពជាតិ និងបូរណភាពទឹកដីរបស់ខ្លួន។ លោកថាប្រទេសទាំងនោះបានកត់សម្គាល់ជាពិសេសថា កោះតៃវ៉ាន់គឺជាផ្នែកមួយដែលមិនអាចកាត់ផ្តាច់បាននៃទឹកដីរបស់ប្រទេសចិន បញ្ហាតៃវ៉ាន់គឺជាកិច្ចការផ្ទៃក្នុងរបស់ប្រទេសចិន ហើយ ឯករាជ្យភាពតៃវ៉ាន់ ក្នុងទម្រង់ណាមួយត្រូវតែបដិសេធ។ យើងសូមសរសើរយ៉ាងខ្លាំងចំពោះប្រទេសទាំងនោះសម្រាប់ការគាំទ្រយ៉ាងរឹងមាំរបស់ពួកគេមកលើប្រទេសចិន៕ដោយ​៖តារា​