नेपाल तेक्वान्दो संघको राष्ट्रिय डेमोन्स्ट्रेसन टिम भारतको टेलिभिजन च्यानल सोनी टीभीबाट प्रसारण भइरहेको रियालिटी शो इन्डियास गोट ट्यालेन्ट सिजन–११ मा उत्कृष्ट प्रदर्शन गरी फाइनलमा पुगेको छ  । नेपाल तेक्वान्दो संघको उक्त डेमोन्स्ट्रेसन टिम हाल आगामी फाइनल प्रतिस्पर्धाका लागि भारतमै रहेर अभ्यास गरिरहेको नेपाल तेक्वान्दो संघका सदस्य कविराज नेगी लामाले जानकारी दिए । फाइनल भोलि शुक्रबार हुनेछ । नेपालका विभिन्न राष्ट्रिय तथा अन्तर्राष्ट्रिय प्रतियोगितालगायत महोत्सवमा उत्कृष्ट प्रस्तुति गर्दै आइरहेको डेमोन्स्ट्रेसन टिमले कोरियाम...