The Cambodia Daily ហ្វីលីពីនផ្ដើមកាន់តំណែងប្រធានអាស៊ានប្ដូរវេននៅដើមខែមករា នេះ ជំនួសភូមា ដែលធ្លាក់តំណែងតាំងពី ៣ឆ្នាំមុន
ប្រទេសម្ញ៉ាន់ម៉ ឬភូមា ដល់វេនធ្វើជាប្រធានសមាគមប្រជាជាតិអាស៊ីអាគ្នេយ៍ ឬអាស៊ានក្នុងឆ្នាំថ្មីឆ្នាំសកល ឆ្នាំ២០២៦ នេះ ប៉ុន្តែត្រូវបានមេដឹកនាំអាស៊ានឯទៀត ១០ប្រទេស បោះឆ្នោតមិនឲ្យធ្វើប្រធានកាលពី ៣ឆ្នាំមុន។ ការសម្រេចរបស់មេដឹកនាំអាស៊ាននេះ ធ្វើឡើងដោយសារតែក្រុមយោធានៃប្រទេសភូមា ដណ្តើមអំណាចពីរដ្ឋាភិបាលស៊ីវិលដឹកនាំដោយអ្នកប្រជាធិបតេយ្យ អ្នកស្រី អ៊ុងសាន ស៊ូជី ហើយជាមួយគ្នានេះ ចម្បាំងស៊ីវិលក្នុងស្រុក ក៏បង្កឲ្យមានអសន្តិសុខ ដែលពិបាកនឹងរៀបចំប្រជុំមេដឹកនាំអាស៊ានគ្រប់ជាន់ថ្នាក់។ ប្រទេសម៉ាឡេស៊ី បានប្រគល់ញញួរនិមិត្តរូបប្រធានអាស៊ានទៅឲ្យប្រទេសហ្វីលីពីន នៅថ្ងៃទី២៨ ខែតុលា ឆ្នាំ២០២៥ ហើយក្រុងម៉ានីល បានផ្តើមមុខនាទីប្រធានអាស៊ាននាថ្ងៃទី១ ខែមករា ឆ្នាំ២០២៦ នេះ៕ © 2026, ឌឹ ខេមបូឌា ដេលី. All rights reserved. The post ហ្វីលីពីនផ្ដើមកាន់តំណែងប្រធានអាស៊ានប្ដូរវេននៅដើមខែមករា នេះ ជំនួសភូមា ដែលធ្លាក់តំណែងតាំងពី ៣ឆ្នាំមុន appeared first on The Cambodia Daily Khmer .