The Cambodia Daily អាមេរិកសាទរការដោះលែងទាហានខ្មែរ ១៨នាក់ ហើយចាត់ទុកថាជាជំហានឆ្ពោះទៅរកការកសាងទំនុកចិត្តឡើងវិញ
សហរដ្ឋអាមេរិក ចាត់ទុកការដោះលែងទាហានខ្មែរទាំង ១៨នាក់ដោយភាគីថៃ គឺជាជំហានវិជ្ជមានមួយដើម្បីឆ្ពោះទៅរកការកសាងទំនាក់ទំនង និងទំនុកចិត្តក្នុងនាមជាប្រទេសជិតខាងនឹងគ្នាឡើងវិញ។ អ្នកនាំពាក្យរងនៃក្រសួងការបរទេសសហរដ្ឋអាមេរិក លោក Tommy Piggot បានចេញសេចក្តីថ្លែងការណ៍កាលពីថ្ងៃទី៣១ ខែធ្នូ ឆ្នាំ២០២៥ ដែលត្រូវបានស្ថានទូតអាមេរិកប្រចាំកម្ពុជា ផ្សព្វផ្សាយនៅថ្ងៃទី១ ខែមករា ឆ្នាំ២០២៦ នេះថា សហរដ្ឋអាមេរិក ស្វាគមន៍ចំពោះកិច្ចខិតខំប្រឹងប្រែងប្រកបដោយការប្ដេជ្ញាចិត្តខ្ពស់នៃរដ្ឋាភិបាលប្រទេសកម្ពុជា និងរដ្ឋាភិបាលប្រទេសថៃឡង់ដ៍ ក្នុងការរក្សាកិច្ចព្រមព្រៀងបទឈប់បាញ់កាលពីថ្ងៃទី២៧ ខែធ្នូ ឆ្នាំ២០២៥ កន្លងទៅ។ លោក Tommy Piggot អះអាងថា សកម្មភាពទាំងនេះបានបង្ហាញឱ្យឃើញពីការប្ដេជ្ញាចិត្តរបស់ប្រទេសទាំងពីរចំពោះសន្តិភាពយូរអង្វែង តាមរយៈការអនុវត្តបទប្បញ្ញត្តិនៃកិច្ចព្រមព្រៀងសន្តិភាពនៅទីក្រុងកូឡាឡាំពួរ កាលពីចុងខែតុលា កន្លងទៅ ដែលមានប្រធានាធិបតីអាមេរិកាំង លោក ដូណាល់ ត្រាំ ចេញមុខធ្វើជាសាក្សីនោះ។ មន្ត្រីការបរទេសអាមេរិកាំងរូបនេះបញ្ជាក់ថា សហរដ្ឋអាមេរិកត្រៀមខ្លួនជាស្រេចក្នុងការគាំទ្រដល់រដ្ឋាភិបាលកម្ពុជា និងរដ្ឋាភិបាលថៃ ក្នុងពេលដែលប្រទេសទាំងពីរបន្តអនុវត្តវិធានការសំខាន់ៗដែលបានព្រមព្រៀងគ្នានៅក្នុងសេចក្តីថ្លែងការណ៍រួមកាលពីថ្ងៃទី២៦ ខែតុលា ឆ្នាំ២០២៥ កន្លងទៅ។ ការអះអាងនេះ ធ្វើឡើងបន្ទាប់ពីភាគីថៃ សម្រេចដោះលែងទាហានកម្ពុជាទាំង ១៨នាក់ កាលពីចុងខែធ្នូ ឆ្នាំ២០២៥ កន្លងទៅ ក្រោយពីមានកិច្ចព្រមព្រៀងក្នុងកិច្ចប្រជុំគណៈកម្មាធិការព្រំដែនទូទៅ (GBC) កាលពីថ្ងៃទី២៧ ខែធ្នូ។ […] The post អាមេរិកសាទរការដោះលែងទាហានខ្មែរ ១៨នាក់ ហើយចាត់ទុកថាជាជំហានឆ្ពោះទៅរកការកសាងទំនុកចិត្តឡើងវិញ appeared first on The Cambodia Daily Khmer .