Ադրբեջանը «խաղաղություն է կառուցում ոչ միայն Հայաստանի, այլև հայ ժողովդրի հետ», հայտարարել է այդ երկրի նախագահի օգնական Հիքմեթ Հաջիևը: Նա այս մասին խոսել է՝ անդրադառնալով Ադրբեջանի փորձերին՝ կարգավորել տնտեսական հարաբերությունները Հայաստանի հետ: Հաջիևը նշել է նավթամթերքների արտահանումը Հայաստան և հացահատիկի տարանցման համար ստեղծված պայմանները: Ըստ Հաջիևի՝ սիմվոլիզմից բացի, կան իսկապես կարևոր աշխարհաքաղաքական նրբերանգներ։ Հայաստանում արդեն մի քանի օր է՝ վաճառվում է Ադրբեջանից գնված բենզինը: