Aðgerðarhópur um brúun umönnunarbilsins hefur lagt til að réttur barna til leikskólavistar verði lögfestur sem aðgerð til að tryggja börnum leikskólapláss eftir að fæðingarorlofi lýkur. Samkvæmt könnun Prósent eru 74% hlynnt því að réttur barna til leikskólavistar verði lögfestur á Íslandi, 18% eru hvorki hlynnt né andvíg og 8% eru andvíg. Af könnuninni má lesa að konur eru marktækt hlynntari því en karlar, 80% á móti 69%. Yngsti aldurshópurinn, 18-24, er hlynntastur lögfestingunni, 84% en sú afstaða fer dvínandi með aldrinum og eru 65 ára og eldri minnst hlynnt lögfestingunni, en eru þó hlynntari en ekki. Þá eru íbúar á höfuðborgarsvæðinu hlynntari lögfestingunni en íbúar á landsbyggðinni en 78% í Reykjavík og nágrannasveitarfélögum eru hlynnt lögfestingunni, en aðeins 68% íbúa á landsbyggðinni. Úrtak könnunarinnar var 1950 einstaklingar. Svarhlutfall var 50% og könnunin var framkvæmd 12.-29. desember 2025.