O Celta é un club de canteira. Abonda con ver as convocatorias do primeiro equipo para darse conta da importancia que ten A Madroa. Cada vez son máis os talentos que chegan a Primeira coa camisola celeste. Máis de media ducia dos máis prometedores que hai no filial e nas categorías inferiores son representados por Jorge Mendes. O axente portugués, famoso polo elevado número de fichaxes que consegue cos seus xogadores, xa levou a Fer López hai uns meses ao Wolverhampton. En A Sede están tranquilos e deixan caer que o poder do representante no club é mínimo.