देविका बन्दना संगीत क्षेत्रमा लामो उडान भरिसकेकी गायिका हुन् । उनले कयौँ नेपाली र हिन्दी ‘सुपरहिट’ गीतमा आवाज भरिसकेकी छन् । तर, केही वर्षअघि उनले जीवनको कठिन बाटोमा यात्रा गर्नुपर्‍यो र उनले सफलतापूर्वक त्यो कठिनाइ पार गरिन् । तीन दशकभन्दा बढी समय गायनमा चर्चित देविका साहस, आत्मबल र सकारात्मक सोचले क्यान्सरजस्तो गम्भीर रोगलाई जितेर प्रेरणाको प्रतीक बनेकी छन् । कोरोना महामारीको बेला प्राणघातक क्यान्सरसँग जुधेर अस्पतालमा किमोथेरापी चलिरहँदासमेत उनले ११ वटा सुमधुर गीत रेकर्ड गरिन् । किमोथेरापी चलिरहेका...