Վենեսուելայի ձերբակալված առաջնորդ Նիկոլաս Մադուրոն երկուշաբթի օրը Նյու Յորքում դաշնային դատարանում իրեն մեղավոր չի ճանաչել թմրանյութերի միջոցով ահաբեկչության, ինչպես նաև մյուս քրեական հոդվածներով: 63-ամյա Մադուրոն հայտարարել է, որ ինքն անմեղ է, և որ ինքը դեռ Վենեսուելայի նախագահն է: Մադուրոյի կինը՝ Սիլիա Ֆլորեսը, նույնպես իրեն մեղավոր չի ճանաչել։ Հաջորդ դատական նիստը նշանակվել է մարտի 17-ին։ Մոտ կես ժամ տևած դատական լսումից առաջ դատարանի շենքի մոտ հավաքվել էին տասնյակ ցուցարարներ՝ ինչպես Մադուրոյի կողմնակիցներ, այնպես էլ ընդդիմախոսներ։