एमआयएमचे इम्तियाज जलील यांनी स्पष्ट केले आहे की, भारतीय जनता पक्षासोबत कोणत्याही परिस्थितीत आघाडी करणार नाही. अकोटमधील विकास आघाडीत सहभागी झालेल्या आपल्या पाच नगरसेवकांना तात्काळ बाहेर पडण्याचे आदेश देण्यात आले आहेत. भाजप समाजात तेढ निर्माण करत असल्याने त्यांच्यासोबत जाणे पक्षाला मान्य नाही, असे जलील यांनी सांगितले. असदुद्दीन ओवैसी यांचाही या भूमिकेला पूर्ण पाठिंबा आहे.