Թեհրանն առայժմ չի պատրաստվում բանակցությունների մեջ մտնել Միացյալ Նահանգների հետ։ «Մեհր» գործակալության փոխանցմամբ՝ այսօր այդ մասին հայտարարել է Իրանի արտգործնախարար Աբաս Արաղչին։ «Ստեղծված իրավիճակը ԱՄՆ-ի հետ բանակցությունների համար այնքան էլ բարենպաստ չէ։ Դրա պատճառը ամերիկյան քաղաքականությունն է», - նշել է Արաղչին՝ հավելելով նաև, որ Իրանը երբեք չի հրաժարվել երկկողմ շփումներից։ «Բանակցությունները պետք է ընթանան կողմերի շահերի հանդեպ ցուցաբերվող փոխադարձ հարգանքի հիման վրա։ Սպիտակ տունը, սակայն, դրան չի ձգտում»,-պնդել է Իրանի ԱԳ նախարարը։