The Cambodia Daily នាយករដ្ឋមន្ត្រីកម្ពុជាលោក ហ៊ុន ម៉ាណែត រំឭកទិវាដឹងគុណថ្ងៃ ៧មករា និងអំពាវនាវឱ្យពលរដ្ឋខ្មែរគ្រប់រូបចងចាំ
នាយករដ្ឋមន្ត្រី ហ៊ុន ម៉ាណែត អំពាវនាវដោយប្រើឃ្លាទន្ទេញចាំមាត់ថាឱ្យពលរដ្ឋខ្មែរគ្រប់រូបចងចាំនូវវីរភាពយុទ្ធជនដែលបានពលីដើម្បីរំដោះប្រទេសកម្ពុជា ពីរណ្តៅមរណៈនៃរបបដ៏ខ្មៅងងឹត ៣ឆ្នាំ ៨ខែ ២០ថ្ងៃនៃអតីតកាល។ នាយករដ្ឋមន្ត្រីខ្មែរ លោក ហ៊ុន ម៉ាណែត បានសរសេរលើទំព័រហ្វេសប៊ុករបស់ខ្លួនដើម្បីអបអរសាទរខួប ៤៧ឆ្នាំនៃទិវាជ័យជម្នះ ឬទិវាដឹងគុណ ៧មករា ជាថ្ងៃកំណើតទីពីរនៃប្រជាជនខ្មែរគ្រប់រូប ហើយក៏ជាថ្ងៃនៃការចងចាំនូវមហាវីរភាពដឹងគុណការតស៊ូនៃយុវជនជំនាន់មុន ដែលបានបន្សល់ទុកមរតកនៃជីវិតប្រជាជនខ្មែរ និងជាមូលដ្ឋានគ្រឹះសម្រាប់កម្ពុជា នាពេលបច្ចុប្បន្នផងដែរ។ ថ្ងៃ៧មករា សម្រាប់ខ្មែរមួយភាគធំ ក៏ជាថ្ងៃទ័ពបរទេសយៀកណាម ចំនួន ២សែននាក់ វាយលុកលុយទន្ទ្រានឈ្លានពាន ត្រួតត្រាកាន់កាប់ទឹកដីខ្មែរនាឆ្នាំ១៩៧៩ ដែរ ដែលជាថ្ងៃប្រទេសជាង ១០០ ថ្កោលទោសរដ្ឋការកុម្មុយនីស្តក្រុងហាណូយ នៅអង្គការសហប្រជាជាតិ។ លោក ហ៊ុន ម៉ាណែត បញ្ជាក់ថា សព្វថ្ងៃនេះ កម្ពុជាត្រូវបានបរទេសស្គាល់មិនត្រឹមតែជាវាលពិឃាតដែលបានកើតមានក្នុងរបបខ្មៅងងឹតនោះទេ ប៉ុន្តែពួកគេបានស្គាល់កម្ពុជា ជារដ្ឋដែលពោរពេញដោយសន្តិភាព និងការអភិវឌ្ឍលើគ្រប់វិស័យ ជាពិសេសជាទីមនោរម្យសម្រាប់មនុស្សផងគ្នាថែមទៀត។ គួរបញ្ជាក់ដែរថា របបខ្មៅងងឹតនោះ បានរស់រានមានជីវិតរហូតឡើងកាន់អំណាចនៅឆ្នាំ១៩៧៥ ដោយសារមានការជួយជ្រោមជ្រែង បំប៉ន បីបាច់រក្សា បង្ហាត់ហ្វឹកហ្វឺនពីទ័ពព្រៃយៀកណាមខាងជើង-យៀកកុង ដែលឪពុករបស់លោកបានចូលដៃរួមចំណែកតស៊ូជាមួយនៅក្នុងព្រៃប្រឆាំងនឹងរបបសាធារណរដ្ឋខ្មែរ។ មេដឹកនាំបក្សកាន់អំណាច លោក ហ៊ុន សែន […] The post នាយករដ្ឋមន្ត្រីកម្ពុជាលោក ហ៊ុន ម៉ាណែត រំឭកទិវាដឹងគុណថ្ងៃ ៧មករា និងអំពាវនាវឱ្យពលរដ្ឋខ្មែរគ្រប់រូបចងចាំ appeared first on The Cambodia Daily Khmer .