Американците предупредија: Наскоро може да се случи голем напад врз Украина Филип Здравески 08.01.2026 / 20:13 Свет Американската амбасада во Киев предупреди на можноста од значаен воздушен напад врз Украина во наредните денови, објави на социјалната мрежа Х Јулија Мендел, поранешна портпаролка на украинскиот претседател Володимир Зеленски. pic.twitter.com/v4clsoaHHx — Iuliia Mendel (@IuliiaMendel) January 8, 2026 Во предупредувањето што денеска го објави Американската амбасада во Киев се наведува дека заканата се однесува на целата територија на Украина, односно на сите окрузи во земјата. Според соопштението, американските власти добиле информации за можен силен воздушен удар што би можел да се случи во кој било момент во текот на следните неколку дена. Американската амбасада повторно ги повика своите државјани да бидат подготвени веднаш да побараат засолниште во случај на прогласување воздушна тревога. Вакви предупредувања Вашингтон редовно објавува во моменти на зголемени безбедносни ризици, особено кога постојат разузнавачки податоци за можни напади од руската војска. Предупредувањето доаѓа во период кога Украина со недели е изложена на интензивни ракетни и напади со дронови врз енергетската инфраструктура и градовите низ земјата, додека властите во Киев предупредуваат дека Русија би можела да продолжи со бранови масовни удари. војна Украина Автор/Извор Макфакс Прикажи во метро Off