پاکستان کے نائب وزیراعظم و وزیر خارجہ اسحاق ڈار ہفتے کو جدہ میں منعقد ہونے والے اسلامی تعاون تنظیم (او آئی سی) وزرائے خارجہ کونسل کے ایک غیر معمولی اجلاس میں شرکت کریں گے، جس میں اسرائیل کی جانب سے وفاقی جمہوریہ صومالیہ کے نام نہاد خطے صومالی لینڈ کو تسلیم کرنے کے مضمرات کا جائزہ لیا جائے گا۔ دفتر خارجہ کی جانب سے جمعے کو جاری بیان کے مطابق او آئی سی وزرائے خارجہ اجلاس میں اسحاق ڈار شرکا کو صومالی لینڈ کے معاملے پر پاکستان کے موقف سے آگاہ کریں گے۔ اس موقعے پر وہ علاقائی اور بین الاقوامی امور پر مزید تعاون پر بات چیت کے لیے او آئی سی کے رکن ممالک کے اپنے ہم منصبوں سے دو طرفہ ملاقاتیں بھی کریں گے۔ اسرائیل نے گذشتہ ماہ کے آخر میں صومالیہ کے علیحدگی پسند خطے صومالی لینڈ کو آزاد اور خود مختار ریاست کے طور پر باضابطہ تسلیم کرنے کا اعلان کیا تھا، جسے صومالیہ نے غیر قانونی اور اس کی خود مختاری پر دانستہ حملہ قرار دیا ہے۔ مزید پڑھ اس سیکشن میں متعلقہ حوالہ پوائنٹس شامل ہیں (Related Nodes field) پاکستان کی جانب سے بھی اس اسرائیلی اقدام کی متعدد بار مذمت کی گئی ہے۔ 29 دسمبر کو اقوام متحدہ کی سلامتی کونسل کے اجلاس سے خطاب میں پاکستانی نائب مندوب عثمان جدون نے صومالی لینڈ کو تسلیم کرنے کا اسرائیلی اعلان مسترد کرتے ہوئے کہا تھا کہ صومالی حکومت ملکی استحکام کے اقدامات کر رہی ہے لیکن اسرائیلی رویہ غیر ذمہ دارنہ اور خطے میں عدم استحکام پیدا کرنے کی کوشش ہے۔ اس سے قبل بھی پاکستان سمیت 21 عرب، اسلامی اور افریقی ممالک نے 28 دسمبر کو صومالی لینڈ خطے کو تسلیم کرنے کے اسرائیلی اقدام کو دوٹوک انداز میں مسترد کرتے ہوئے اسے بین الاقوامی قانون اور اقوام متحدہ کے چارٹر کی سنگین خلاف ورزی قرار دیا تھا۔ بیان میں کہا گیا تھا کہ ’صومالی لینڈ کے نام نہاد خطے کو اسرائیل کی جانب سے تسلیم کرنا قرن افریقہ اور بحیرۂ احمر کے خطے میں امن و سلامتی کے لیے سنگین خطرہ ہے اور عالمی امن و سلامتی پر بھی منفی اثرات مرتب کرتا ہے، جو بین الاقوامی قانون کی صریح خلاف ورزی اور اقوامِ متحدہ کے چارٹر کے منافی ہے۔‘ مشترکہ بیان میں وفاقی جمہوریہ صومالیہ کی خودمختاری کی مکمل حمایت کا اعادہ کرتے ہوئے مزید کہا گیا تھا کہ ’وفاقی جمہوریہ صومالیہ کی خودمختاری کی مکمل حمایت کا اعادہ کیا جاتا ہے اور صومالیہ کی وحدت، علاقائی سالمیت یا خودمختاری کو کمزور کرنے والے کسی بھی اقدام کو دوٹوک انداز میں مسترد کیا جاتا ہے، کیونکہ یہ پورے ملک کے دائرۂ اختیار میں آتا ہے۔‘ او آئی سی اسحاق ڈار پاکستان دفتر خارجہ اسلامی تعاون تنظیم اسلامی تعاون تنظیم کی وزرائے خارجہ کونسل کے اس غیر معمولی اجلاس میں اسرائیل کی جانب سے وفاقی جمہوریہ صومالیہ کے نام نہاد خطے صومالی لینڈ کو تسلیم کرنے کے مضمرات کا جائزہ لیا جائے گا۔ انڈپینڈنٹ اردو ہفتہ, جنوری 10, 2026 - 09:15 Main image:

پاکستان کے وزیر خارجہ اسحاق ڈار سات مارچ، 2025 کو جدہ میں اسلامی تعاون تنظیم کے رکن ممالک کے وزرائے خارجہ کی کونسل کے غیرمعمولی اجلاس میں شریک ہیں (اے ایف پی)

پاکستان type: news related nodes: اسرائیلی اہلکار صومالی لینڈ میں، پاکستان سمیت کئی کی مذمت پاکستان+20 ممالک کا صومالی لینڈ کو تسلیم کرنے کا اسرائیلی قدم مسترد صومالی لینڈ خودمختاری، فلسطینیوں کی بے دخلی نامنظور: پاکستان ’گریٹر اسرائیل بدمعاشانہ سوچ‘: پاکستان کا او آئی سی میں سات اقدامات کا مطالبہ SEO Title: صومالی لینڈ کے معاملے پر او آئی سی اجلاس آج، اسحاق ڈار شرکت کریں گے copyright: show related homepage: Show on Homepage