ایران میں مہنگائی کے خلاف جاری مظاہروں کے پیش نظر حالات بہتر ہونے تک پاکستان نے ہفتے کو اپنے شہریوں کو ایران کے غیر ضروری سفر سے گریز کرنے کی ہدایت کی ہے۔ دفتر خارجہ کی جانب سے جاری کی گئی ایڈوائزری میں کہا گیا: ’اپنی حفاظت اور سلامتی کے پیشِ نظر پاکستانی شہریوں کو مشورہ دیا جاتا ہے کہ حالات بہتر ہونے تک اسلامی جمہوریہ ایران کا تمام غیر ضروری سفر کرنے سے گریز کریں۔‘ مزید کہا گیا کہ اس وقت ایران میں مقیم پاکستانی شہریوں پر زور دیا جاتا ہے کہ وہ انتہائی احتیاط برتیں، چوکنا رہیں، غیر ضروری نقل و حرکت کم سے کم رکھیں۔‘ دفتر خارجہ نے شہریوں کی سہولت کی غرض سے پاکستانی سفارتی مشنز سے باقاعدہ رابطے میں رہنے کے لیے نمبرز بھی جاری کیے ہیں۔ Screenshot 2026-01-10 110928.png مہنگائی کے خلاف شروع ہونے والی اس تحریک میں ایران بھر میں 13 دنوں سے مظاہرے جاری ہیں، جس میں اس مذہبی نظام کے خاتمے کے مطالبات بڑھ رہے ہیں جو 1979 کے اسلامی انقلاب کے بعد سے ایران پر حکمران ہے، جس نے مغرب نواز شاہ کو اقتدار سے ہٹا دیا تھا۔ حکومت کے خلاف تین سال سے زائد عرصے میں سب سے بڑی تحریک کو آگے بڑھانے کے لیے ایرانی شہری جمعے کو بھی سڑکوں پر نظر آئے۔ حکام نے کریک ڈاؤن کے حصے کے طور پر انٹرنیٹ کی بندش کو برقرار رکھا ہوا ہے۔ ان مظاہروں کے خلاف کریک ڈاؤن میں درجنوں افراد جان سے جا چکے ہیں۔ ایران احتجاجی مظاہرے مہنگائی پاکستان دفتر خارجہ دفتر خارجہ کی جانب سے جاری کی گئی ایڈوائزری میں کہا گیا: ’اپنی حفاظت اور سلامتی کے پیشِ نظر پاکستانی شہریوں کو مشورہ دیا جاتا ہے کہ حالات بہتر ہونے تک اسلامی جمہوریہ ایران کا تمام غیر ضروری سفر کرنے سے گریز کریں۔‘ ہفتہ, جنوری 10, 2026 - 11:15 Main image:

اسلام آباد میں دفتر خارجہ کی عمارت کی تصویر (انڈپینڈنٹ اردو)

type: news related nodes: ایران: مہنگائی کے خلاف احتجاج کا 13 واں دن، ٹرمپ کی حملے کی پھر دھمکی ایران میں مہنگائی کے خلاف مظاہرے جاری، انٹرنیٹ بند ایران میں احتجاج، ایک ہفتے میں 16 اموات: حقوق انسانی تنظیمیں ایران نے مظاہرین کو قتل کیا تو ان کی مدد کو آئیں گے: امریکی صدر SEO Title: ایران میں احتجاج: پاکستان کی شہریوں کو غیر ضروری سفر سے گریز کی ہدایت copyright: show related homepage: Show on Homepage