ၼၢင်းဢေးယိင်း ဢႃယု 19 ပီ ၵူၼ်းလႃႈသဵဝ်ႈ ၵႂႃႇႁဵတ်းၵၢၼ်မႄႈဝၢၼ်ႈ တီႈမိူင်းပွၵ်ႉသေ ႁၢႆဝႆႉ လႆႈမႃးၶၢဝ်းတၢင်းလိူၼ်ပၢႆ ႁဵတ်းႁႂ်ႈၵူၼ်းႁူမ်ႈႁိူၼ်းလႄႈ ဢူၺ်းၵေႃႉမၼ်းၼၢင်း မႆႈၸႂ်ႁႅင်းဝႆႉ။ ၼၢင်းၶမ်းမူဝ် ဢူၺ်းၵေႃႉမၼ်းၼၢင်းလၢတ်ႈတီႈၽူႈတွႆႇႁွၵ်ႈဝႃႈ – “ ဢမ်ႇၵပ်းသိုပ်ႇ မၼ်းၼၢင်းလႆႈ ၸဵမ်မိူဝ်ႈ ဝၼ်းတီႈ 29/11/2025 ၼၼ်ႉမႃး ၊ ၼႂ်းၾဵတ်ႉသ်ၼႂ်းလၢႆးမၼ်းၵေႃႈ တိတ်းတေႃႇဢမ်ႇလႆႈသေတီႈ။ မၼ်းႁဵတ်းၵၢၼ်တီႈမိူင်းပွၵ်ႉၼႆႉ တိုၵ်ႉမီး 3 လိူၼ်ပၢႆၵူၺ်း ။ ပေႃႈလဵင်ႉမႄႈလဵင်ႉၶဝ်ၵေႃႈ ဢမ်ႇႁူႉၸွမ်းၼႆၶႃႈဝႃႈ ။ ၶဝ်ဝႃႈ ပေႃးတေဢွၵ်ႇၵၢၼ် ႁႂ်ႈလၢတ်ႈလူင်ႈၼႃႈ ၼႆ ဢေးယိင်းသမ်ႉဢမ်ႇလၢတ်ႈသင် ။ သမ်ႉပေႃးလၵ်ႉဢွၵ်ႇၵႂႃႇပႅတ်ႈ  ” – ဝႃႈၼႆ။ ၼၢင်းဢေးယိင်းၼႆႉ ပဵၼ်လုၵ်ႈ ပႃႈၼၢင်းၸၢမ်ႇ ပဵၼ်ၵူၼ်းဝၢၼ်ႈသၢႆးလႅင် ဢၼ်ယူႇၸမ်တႃႈႁိူဝ်းၾင်ႇၶူင်း တႃႈပၢင်ယူၵ်ႇ ၾၢႆႇဢွၵ်ႇဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ ။ မၼ်းၼၢင်း ဢွၵ်ႇႁိူၼ်းၵႂႃႇ ၸဵမ်မိူဝ်ႈ […] The post ၼုမ်ႇယိင်းဢွၼ်ႇ 2 ၵေႃႉ ၵႂႃႇႁဵတ်းၵၢၼ်တီႈမိူင်းပွၵ်ႉသေ ႁၢႆဝႆႉလိူၼ်ပၢႆ ပႆႇၵပ်းသိုပ်ႇလႆႈ appeared first on SHAN News .