ဝၼ်းတီႈ 9/1/2026 သိုၵ်းယၢင်းလႄႈ PDF ႁူမ်ႈၵၼ်ၶဝ်ႈတိုၵ်းပိုတ်းယိုဝ်းတပ်ႉပၢင်သဝ်းသိုၵ်းမၢၼ်ႈ ၼိူဝ်သဵၼ်ႈတၢင်းၵဝ်ႇ တႃႈလိူဝ်ႇ- တႃႈၵုင်ႈ လႄႈ ၼႂ်းဝဵင်းတေႃးၵျွႆးဢိၼ်း (ဝဵင်းတႆး ထုင်ႉပဵင်း) တင်းမူတ်းယိုတ်းလႆႈ 14 တီႈဝႃႈၼႆ။ လူင်ပွင်ၸိုင်ႈၽွမ်ႉႁူမ်ႈၸိူဝ်ႉၸၢတ်ႈ NUG ပိုၼ်ၽၢဝ်ႇဝႃႈ သိုၵ်းယၢင်းလႄႈ PDF ၶဝ်ႈယိုတ်း လုမ်းၽွင်းငမ်းၶွင်ၸုမ်းသိုၵ်းမၢၼ်ႈ၊ ႁူင်းပလိၵ်ႈလႄႈ လုမ်းၶွမ်ႊမသျိၼ်ႊပၢင်လိူၵ်ႈတင်ႈၸိူဝ်းၼႆႉသေ ၽဝ်ပႅတ်ႈပႃးတင်းလုမ်းလႄႈ တင်းၶိူင်ႈၸၢၵ်ႈဢိၵ်ႇရူတ်ႉၵႃးဢိၵ်ႇၶိူင်ႈၶူဝ်းၸႂ်ႉသွႆၸိူဝ်းၼႆႉ ဝႃႈၼႆ။ တီႈပၢင်တိုၵ်းတီႈဝဵင်းတေႃးၵျွႆးဢိၼ်းၼၼ်ႉ ၾၢႆႇတၢင်းသိုၵ်းမၢၼ်ႈၵေႃႈဢဝ်ၶိူင်ႈမိၼ်သိုၵ်းမႃးယိုဝ်းၸွႆႈလႄႈ ပၢင်တိုၵ်းၼႆႉဢမ်ႇပဵၼ်ႁိုင်သေတႃႉ ပဵၼ်ဝႆႉႁၢဝ်ႈႁႅင်း-ၼႆ ၵူၼ်းပိုၼ်ႉတီႈလၢတ်ႈၼင်ႇၼႆ။ တပ်ႉသိုၵ်းမၢၼ်ႈ ၶမရ 307 ဢၼ်ပၵ်းတီႈဝဵင်းပႄးၼွႆႇၵူင်း (ယၢၼ်ၵႆၵၼ်တင်းတေႃးၵျွႆးဢိၼ်းမွၵ်ႈ 2 လၵ်း) လႄႈ ၶမယ 439 ဢၼ်ပၵ်းတပ်ႉတီႈ ဝဵင်းၵၺုတ်ႉၵုၼ်း ၼၼ်ႉၵေႃႈ ယိုဝ်းၵွင်ႈလူင်မႃးၸွႆႈ။ ဝၢႆး PDF ၶဝ်ယိုတ်းလႆႈဝဵင်းတေႃးၵျွႆးဢိၼ်းတင်းဝဵင်းယဝ်ႉ ဢမ်ႇႁိုင်လၢႆၸူဝ်ႈမူင်းၵူၺ်းၵေႃႈ ၶဝ်ၶိုၼ်းထွႆထွၼ်ဢွၵ်ႇၵႂႃႇယူႇတၢင်းၼွၵ်ႈဝဵင်းဝႆႉ။ ယွၼ်ႉပိူဝ်ႈသိုၵ်းမၢၼ်ႈဢဝ်ၶိူင်ႈမိၼ်မႃးယိုဝ်းၸွႆႈဢမ်ႇထၢတ်ႇ ။ ၵူၼ်းမိူင်းတင်းဝဵင်းၵေႃႈလႆႈပၢႆႈၽေးသိုၵ်းဝႆႉသေ သဵၼ်ႈတၢင်းရူတ်ႉၵႃးၵေႃႈထုၵ်ႇသင်ႇပိၵ်ႉဝႆႉ […] The post သိုၵ်းယၢင်းလႄႈ PDF ႁူမ်ႈၵၼ်ၽဵဝ်ႈပႅတ်ႈတပ်ႉပၢင်သဝ်းသိုၵ်းမၢၼ်ႈ တီႈဝဵင်းတႆး ထုင်ႉပဵင်း appeared first on SHAN News .