1885 წლის 10 იანვარს, სოფელ ვეჯინში, ღარიბი მღვდლის, სოლომონ ბერიტაშვილის ოჯახში ივანე ბერიტაშვილი დაიბადა. სოლომონსა და მის მეუღლეს, სალომე სამჭკუაშვილს, 12 შვილი ჰყავდათ, ივანე მეთერთმეტე იყო. თავდაპირველად ივანე თელავის სასულიერო სასწავლებელში შეიყვანეს. იქ გეოგრაფიას მწერალი ვასილ ბარნოვი ასწავლიდა, სიმღერას კი – კომპოზიტორი ნიკო სულხანიშვილი. მოგვიანებით ივანე თბილისის სასულიერო სემინარიაში ჩაირიცხა. რადგან რუსული არ იცოდა, კარგა […]