Трамп: Данците пристигнале на Гренланд со брод пред 500 години, но тоа не значи дека е нивен Филип Здравески 10.01.2026 / 14:51 Свет Американскиот претседател Доналд Трамп повторно предизвика бурни реакции со изјава за Гренланд, со која го доведе во прашање правото на Данска над оваа територија. Трамп порача дека историското „откривање“ на една земја не значи автоматски и сопственост врз неа. Во видео-снимка што вчера се прошири на социјалните мрежи, Трамп истакна дека има позитивен однос кон Данците, но ги оспори нивните историски аргументи. „Беа многу љубезни кон мене и тоа го ценам. Но, фактот што пристигнале таму со брод пред 500 години не значи дека ја поседуваат таа територија“, изјави Трамп во разговор со новинари. Trump on Greenland: The fact that they landed a boat there 500 years ago doesn’t mean they own the land. pic.twitter.com/Ybha6NfyTb — Clash Report (@clashreport) January 9, 2026 Неговата изјава се надоврзува на претходните настапи и интерес за Гренланд – автономна територија во состав на Кралството Данска, која има големо геостратешко значење и е богата со природни ресурси. Претходно, Трамп рече дека САД ќе го преземат Гренланд „ на полесен или на потежок начин “, без оглед на ставот на Данска. Гренланд Доналд Трамп Автор/Извор Макфакс Прикажи во метро On