RFI ខេមរភាសា កងទ័ពស៊ីរីអះអាងថាការវាយប្រយុទ្ធនៅតំបន់ទីក្រុងអាឡិបបានចប់ តែក្រុមកួកបដិសេធថាមិនពិត
ចាប់តាំងពីថ្ងៃអង្គារទី៦មករាមក ការវាយប្រយុទ្ធគ្នាបានផ្ទុះឡើង នៅទីក្រុងអាឡិបភាគខាងជើងស៊ីរី ដែលមួយផ្នែកស្ថិតនៅក្រោមការគ្រប់គ្រងរបស់ក្រុមកួក។ ជនស៊ីវីលជាង២០បានស្លាប់ និងប្រមាណជាង១៥ម៉ឺននាក់ ត្រូវភៀសខ្លួនគេចចេញពីតំបន់មានការប្រយុទ្ធ រវាងកងទ័ពរដ្ឋាភិបាលស៊ីរី និងកងកម្លាំងកួក។ កាលពីថ្ងៃសៅរ៍ទី១០មករា កងទ័ពរដ្ឋាភិបាល បានអះអាងថាគេបានវាយដណ្តើមគ្រប់គ្រង ទីក្រុងអាឡិបបានទាំងស្រុងហើយ និងបានបណ្តេញក្រុមកួកឲ្យដកថយ។ តែដោយឡែក ក្រុមកួកបានអះអាងថា មិនពិតទេ ការប្រយុទ្ធនៅតែបន្តនៅឡើយ។