AFISA wa kike wa magereza ameepuka kifungo cha jela baada ya kubainika kuwa alipata ujauzito wa mfungwa aliyekuwa chini ya uangalizi wake, kufuatia uhusiano wa kimapenzi ulioanza wakati mfungwa huyo alipokuwa ameruhusiwa kulala nje ya gereza kwa ruhusa maalumu. Mahakama ilielezwa kuwa, afisa huyo alianza uhusiano wa karibu na mfungwa huyo kwa hiari, hatua iliyokiuka maadili ya kazi na kanuni za huduma ya magereza. Uhusiano huo uliendelea kwa siri hadi ilipobainika kuwa afisa huyo alikuwa mjamzito. Jaji alikiri kuwa kitendo hicho ni kosa kubwa la kitaaluma na kinahatarisha uadilifu wa mfumo wa haki, lakini akasema kifungo cha jela kingeathiri zaidi mtoto asiyezaliwa. Badala yake, afisa huyo alitozwa faini, akaamriwa kuhudhuria ushauri wa kisaikolojia na akapigwa marufuku kufanya kazi yoyote inayohusisha uangalizi wa wafungwa.