RFI ខេមរភាសា អាមេរិក៖ បាតុកម្មផ្ទុះច្រើនឡើងៗ ក្រោយប៉ូលិសអន្តោប្រវេសន៍បាញ់នារីម្នាក់ស្លាប់នៅ Minneapolis
នៅសហរដ្ឋអាមេរិក មនុស្សច្រើនពាន់នាក់ ជួបជុំគ្នានៅថ្ងៃសៅរ៍និងបន្តប្រផ្តុំគ្នាទៀតនៅថ្ងៃអាទិត្យទី១១មករា ដើម្បីសម្តែងមតិប្រឆាំងនឹងនយោបាយអន្តោប្រវេសន៍របស់លោក ដូណាល់ ត្រាំ ហើយរិះគន់ចំណាត់ការរបស់ប៉ូលិសអន្តោប្រវេសន៍ (ICE)។ ក្រុមបាតុករអំពាវនាវឲ្យបន្តធ្វើបាតុកម្មទូទាំងផ្ទៃប្រទេស។ កំហឹងបាតុករអាមេរិក ផ្ទុះឡើង កាន់តែច្រើនទៅៗ ចាប់ពីថ្ងៃពុធ ទី៧មករា មក ព្រោះតែ ប៉ូលិសអន្តោប្រវេសន៍ បានបាញ់សម្លាញ់នារីម្នាក់ ក្នុងពេលប្រតិបត្តិការតាមដងផ្លូវ នៅក្រុង Minneapolis។