ပၢင်လိူၵ်ႈတင်ႈ တီႈဝဵင်းမိူင်းၵိုင်ၸိုင်ႈတႆးပွတ်းၸၢၼ်း ၼႂ်းဝၼ်းတီႈ 11/1/2026 ၼႆႉ မီးပႃႇတီႇသၢင်ႇသီႈလႄႈ ပႃႇတီႇသိူဝ်ၽိူၵ်ႇ ၶေႉၵၼ် တေႃႇထိုင်ယၢမ်းၵၢင်ၶမ်ႈ 8 မူင်းၼႆႉ ႁူဝ်ၼပ်ႉၶႅပ်းၵၢင်ၸႂ်ပႃႇတီႇသိူဝ်ၽိူၵ်ႇ ၼမ်းၼႃႈဝႆႉဝႃႈၼႆၵေႃႈ ၽွင်းဢၢၼ်ႇၶႅပ်းမႄးၼၼ်ႉ ၶွမ်ႊမသျိၼ်ႊၸႄႈဝဵင်းဢမ်ႇပၼ်ၼေႃႇၽွင်းတႅၼ်းၶဝ်ၶဝ်ႈတူၺ်းၸွမ်း ဝႃႈၼႆ။ တီႈဝဵင်းမိူင်းၵိုင်ၼႆႉ ႁူင်းတွတ်ႈၶႅပ်းၵၢင်ၸႂ် မီး 35 ႁူင်း။ တေႃႇထိုင်ယၢမ်း 8 မူင်းၼႆႉ ၶႅပ်းၵၢင်ၸႂ်ဢၼ်ၵူၼ်းမိူင်းမႃးပၼ်ၼၼ်ႉႁုပ်ႈလႆႈယဝ်ႉတႃႇ 23 ႁူင်း။ ဢၼ်ပႆႇလႆႈႁုပ်ႈၶႅပ်းၵၢင်ၸႂ်ၼႆႉၵိုတ်း 12 ႁူင်း။ ၼႂ်း 23 ႁူင်းၼႆႉ ႁူဝ်ၼပ်ႉၶႅပ်းပႃႇတီႇသိူဝ်ၽိူၵ်ႇ ၼမ်လိူဝ်ၶႅပ်းၵၢင်ၸႂ် ပႃႇတီႇသၢင်ႇသီႈဝႆႉ 3000 ပၢႆ။ ၽူႈမီးပုၼ်ႈၽွၼ်းၼႂ်းပႃႇတီႇသိူဝ်ၽိူၵ်ႇ ဝဵင်းမိူင်းၵိုင်ၵေႃႉၼိုင်ႈလၢတ်ႈၽူႈတွႆႇႁွၵ်ႈဝႃႈ- “ ၶႅပ်းၵၢင်ၸႂ်လူင်ႈၼႃႈၵေႃႈတေမီးမွၵ်ႈ 1000 ၼႆႉၵူၺ်း။ ဢၼ်ၼၼ်ႉၵေႃႈပေႃးတူၺ်းတႄႉ တင်းသၢင်ႇသီႈလႄႈတင်းႁဝ်းၶႃႈတေမီးမွၵ်ႈၶိုင်ႈတေႃႇၶိုင်ႈယူႇ။ပေႃးတူၺ်းယၢမ်းလဵဝ်တႄႉ ၶႅပ်းပႃႇတီႇသိူဝ်ၽိူၵ်ႇႁဝ်းၶႃႈ ဢွင်ႇပေႉၵိၼ်ၶၢတ်ႇဝႆႉၶႃႈဢေႃႈ” – ဝႃႈၼႆ။ ၼေႃႇၽူႈတႅၼ်းပႃႇတီႇသိူဝ်ၽိူၵ်ႇ တီႈဝဵင်းမိူင်းၵိုင်ၼႆႉပဵၼ် ၼၢင်းတၢၼ်းတၢၼ်းမူၺ်း ပဵၼ်သၽႃးၵူၼ်းမိူင်း ၊ […] The post ပၢင်လိူၵ်ႈတင်ႈ ဝဵင်းမိူင်းၵိုင် ၶႅပ်းၵၢင်ၸႂ်သိူဝ်ၽိူၵ်ႇၼမ်းၼႃႈဝႆႉ appeared first on SHAN News .