មហាបាតុកម្មនៅអ៊ីរ៉ង់រយៈពេល២សប្តាហ៍កន្លងមកនេះ បានផ្តាច់ជីវិតមនុស្សប្រមាណ ២០០នាក់។ នៅថ្ងៃអាទិត្យ ទី១១ មករា រដ្ឋាភិបាលអ៊ីស្រាអែលបានប្រកាសជាចំហ គាំទ្រប្រជាជនអ៊ីរ៉ង់ បះបោរប្រឆាំងនឹងរបបផ្តាច់ការអ៊ីស្លាមអ៊ីរ៉ង់ ដើម្បីសេរីភាព។ នាយករដ្ឋមន្រ្តីអ៊ីស្រាអែល លោកបេនចាមិន នេតាន់យ៉ាហ៊ូ បានថ្កោលទោស ចំពោះការសម្លាប់រង្គាល និងអំពើហិង្សារបស់របបផ្តាច់ការអ៊ីរ៉ង់ មកលើប្រជាជនស៊ីវិល។ ចំណែក អ៊ីរ៉ង់បានចោទអ៊ីស្រាអែល និងសហរដ្ឋអាមេរិក ថាអ្នកនៅពីក្រោយបាតុកម្ម ប្រឆាំងរដ្ឋាភិបាល ដែលបង្កអស្ថិរភាព នៅអ៊ីរ៉ង់។