Snæfell og Tindastóll áttust við í 8-liða úrslitum bikarkeppni karla í körfubolta í kvöld. Þar gaf B-deildarlið Snæfellinga ekkert eftir þrátt fyrir að Stólarnir hafi tekið sigurinn að lokum, 98-115. Fyrsti leikhluti var spennandi en tveimur stigum munaði að honum loknum, 25-27, Tindastóll leiddi. Tindastóll komst níu stigum í öðrum leikhluta, 27-36. Þaðan bættu heimamenn í og þremur stigum munaði í hálfleik, 48-51. Áfram spilaði Snæfell vel og vann þriðja leikhluta öruggt, 34-28 og leiddi því með þremur stigum fyrir lokaleikhlutann, 82-79. Þá sýndu Stólarnir Snæfellingum hvers þeir eru megnugir og settu í fimmta gír. Jafnt og þétt vann Tindastóll sér upp gott forskot og loks vann liðið 17 stiga sigur, 98-115 og er því á leið í undanúrslit keppninnar. Snæfell er sem stendur í níunda sæti fyrstu deildarinnar. Hörkuleikur í kvöld Í kvöld mætast svo Stjarnan og Grindavík í Garðabænum. Liðin mættust í desember þar sem Stjarnan vann stórsigur, 118-67, en það var jafnframt eini tapleikur Grindavíkur á tímabilinu. Leikur Stjörnunnar og Grindavíkur hefst klukkan 19:30 og verður sýndur á RÚV 2.