Трамп ја исмеа одбраната на Гренланд: Знаете што имаат? Санки со кучиња Филип Здравески 12.01.2026 / 12:27 Свет Американскиот претседател Доналд Трамп изјави дека Америка мора да го преземе Гренланд, тврдејќи дека на арктичката територија ѝ недостасува соодветна одбрана и предупреди дека Русија или Кина би можеле да ја преземат контролата доколку Вашингтон не дејствува. Зборувајќи со новинарите во авионот Air Force One, Трамп беше прашан за Гренланд и дали САД дале понуда до Данска да ја преземат територијата. Сепак, во својот одговор, тој контроверзно ја опиша одбраната на најголемиот остров во светот. „Не го направив тоа. Гренланд треба да склучи договор бидејќи Гренланд не сака Русија или Кина да ја преземат контролата. Во основа, нивната одбрана се две санки со кучиња. Дали го знаете тоа? Дали знаете каква е нивната одбрана? Две санки со кучиња“, рече тој. Трамп додаде дека капацитетите на Русија и Кина се многу поголеми. „Во меѓувреме, имате руски разорувачи и подморници, и кинески разорувачи и подморници, насекаде. Нема да дозволиме тоа да се случи, и ако тоа влијае на НАТО, влијае на НАТО. Но, знаете, тие имаат повеќе потреба од нас отколку што ни требаат нам, можам да ви го кажам тоа веднаш“, додаде американскиот претседател. Трамп, исто така, јасно стави до знаење дека неговата администрација не размислува за краткорочен закуп на Гренланд, туку за преземање на данската територија. „Ако ние не го сториме тоа, ќе го сторат Русија или Кина, а тоа нема да се случи додека сум јас претседател“, рече Трамп. Коментарите дојдоа по обновеното противење од раководството на Гренланд, кое ги отфрли повиците на Трамп и членовите на неговата администрација САД да ја преземат контролата врз островот. Remote video URL Гренланд Доналд Трамп Автор/Извор Ф.З. Прикажи во метро On