Изненадувачки бројки: Колку заработија Барса и Реал од Суперкупот во Саудиска Арабија? СУПЕРКОПА ДЕ ЕСПАЊА 2026 Филип Здравески 12.01.2026 / 12:46 Фудбал Фудбалерите на Барселона го победија Реал Мадрид со 3:2 во Саудиска Арабија синоќа и го освоија шпанскиот Суперкуп, но заработката од ова натпреварување можеби не е онаква каква што очекуваат навивачите. Навивачите веројатно очекуваа шпанските клубови да заработат астрономски суми за одењето во Саудиска Арабија и играњето на Суперкупот таму, но тоа не е баш точно. Барселона освои вкупно 8 милиони евра со освојувањето на Суперкупот на Шпанија, додека Реал Мадрид освои 7,5 милиони. Ова е најинтересниот факт од сите и веројатно оној што изненади многумина, а вели дека разликата помеѓу освојувачот на трофејот и поразениот во финалето е само половина милион евра. Во денешниот фудбал, тоа е „никаква“ бројка. Вкупниот буџет за наградни, доделен од Кралската шпанска фудбалска федерација, е 21,3 милиони евра. Барселона и Реал заработија по 6 милиони евра за учество, додека Барселона доби бонус од 2 милиона за освојувањето на трофејот. Од друга страна, Реал Мадрид исто така доби почетни 6 милиони евра и дополнителен бонус од 1,5 милиони евра за освојување на второто место. Дополнително, секако, станува збор за дуел за престиж и тимовите се бореа за трофејот. Можеби не е најквалитетното и најпрестижното натпреварување во Шпанија, но дефинитивно е многу важно победникот да го „украде“ трофејот од својот најголем ривал. Remote video URL Барселона Реал Мадрид Суперкуп Шпанија Автор/Извор Ф.З. Прикажи во метро On