Վրաստանի նախկին վարչապետ Իրակլի Ղարիբաշվիլին 5 տարվա ազատազրկման է դատապարտվել։ Այս մասին հայտնում են վրացական լրատվամիջոցները՝ հղում անելով Վրաստանի դատախազությանը։   Առանձնապես խոշոր չափերով եկամուտների օրինականացման մեջ մեղադրվող Ղարիբաշվիլին, որպես լրացուցիչ պատիժ, պետք է վճարի 1 մլն լարի (մոտ 370 հազար դոլար) տուգանք։ Բացի այդ, հօգուտ պետության կբռնագանձվի այն դրամական գումարը, որը «ստացվել է հանցավոր գործունեության արդյունքում և առգրավվել նրա բնակարանի խուզարկության ժամանակ»։ «Իրակլի Ղարիբաշվիլին ընդունում է կատարած հանցանքը և համաձայնում դատավարական համաձայնության պայմաններին։ Դատախազության միջնորդությունը դատավարական համաձայնության վերաբերյալ դատարանն արդեն բավարարել է»,- ասված է դատախազության հայտարարության մեջ։ Քանի որ Ղարիբաշվիլին ընդունել է մեղքը և գնացել գործարքի, նրա պատիժը մեղմացվել է. […] The post Վրաստանի նախկին վարչապետ Իրակլի Ղարիբաշվիլին 5 տարվա ազատազրկման է դատապարտվել appeared first on CIVILNET .