RFI ខេមរភាសា នាយករដ្ឋមន្រ្តីអាល្លឺម៉ង់ទៅឥណ្ឌា ដើម្បីចង់បានទីផ្សារ ជំនួសចិន
នៅថ្ងៃបើកឆាកដំបូងនៃដំណើរទស្សនកិច្ចនៅប្រទេសឥណ្ឌា នាយករដ្ឋមន្រ្តីអាល្លឺម៉ង់ លោកហ្វ្រីដ្រិក មែក្ស កាលពីថ្ងៃចន្ទទី ១២មករាបានអំពាវនាវឲ្យរដ្ឋាភិបាលឥណ្ឌាប្រញាប់ចុះកិច្ចព្រមព្រៀងដោះដូរពាណិជ្ជកម្មសេរីជាមួយអឺរ៉ុប។ នៅក្នុងកាលៈទេសៈដែលប្រទេសទាំងពីរកំពុងប្រឈមនឹងការដាក់សម្ពាធទាំងផ្នែកនយោបាយ និងពាណិជ្ជកម្មពីសំណាក់ មហាអំណាចចិន និងអាមេរិក នាយករដ្ឋមន្រ្តីឥណ្ឌា លោកណារិនដ្រា ម៉ូឌី ជំរុញឲ្យប្រទេសទាំងពីរ អាល្លឺម៉ង់ និងឥណ្ឌាពង្រឹងសហប្រតិបត្តិការរវាងគ្នា ក្នុងវិស័យការពារជាតិ។