Չինաստանը դեմ է «ցանկացած ապօրինի միակողմանի պատժամիջոցների», արձագանքելով ԱՄՆ նախագահին՝ հայտարարել է Վաշինգտոնում Չինաստանի դեսպանատան խոսնակը։ Դոնալդ Թրամփն ավելի վաղ հայտնել է, որ Իրանի հետ գործարար հարաբերություններ ունեցող երկրներն ԱՄՆ-ի հետ առևտրում կբախվեն 25 տոկոսի մաքսատուրքի։ Դեսպանատան խոսնակը հավելել է, որ Պեկինի դիրքորոշումը մաքսատուրքերի խտրական կիրառման դեմ հետևողական է և հստակ՝ հարկադրանքն ու ճնշումը չեն կարող լուծել խնդիրները: Նա հավելել է, որ Չինաստանը կձեռնարկի բոլոր անհրաժեշտ միջոցները՝ իր օրինական իրավունքներն ու շահերը պաշտպանելու համար: Չինաստանն իրանական ապրանքների արտահանման հիմնական ուղղություններից է: