महानगरपालिका निवडणुकीच्या प्रचाराचा आज शेवटचा दिवस असून, सर्व पक्षांकडून जोरदार शक्तिप्रदर्शन सुरू आहे. नागपुरात भाजपने भव्य बाईक रॅली काढली, ज्यात मुख्यमंत्री देवेंद्र फडणवीस स्वतः बाईक चालवून सहभागी झाले. 15 जानेवारी रोजी महाराष्ट्रातील 29 महानगरपालिकांसाठी मतदान होणार आहे. प्रचाराची रणधुमाळी अंतिम टप्प्यात पोहोचली असून, मतदारांपर्यंत पोहोचण्यासाठी उमेदवारांचे प्रयत्न सुरू आहेत.