मधेश प्रदेशको मुख्य न्यायाधिवक्तामा डा सुनिल रञ्जन सिंह नियुक्त भएका छन् । प्रदेश प्रमुख सुरेन्द्रलाभ कर्णले मुख्यमन्त्री कृष्णप्रसाद यादवको सिफारिसमा आज उनलाई नियुक्त गरेका हुन् । प्रदेश प्रमुख कार्यालयका निमित्त सचिव शत्रुधन यादवद्वारा जारी विज्ञप्तिमा प्रदेश प्रमुख कर्णले नेपालको संविधानको धारा १६० को उपधारा (२) बमोजिम डा सिंहलाई मधेस प्रदेशको मुख्य न्यायाधिवक्ताको पदमा नियुक्त गरेको व्यहोरा उल्लेख छ ।