Presidenti amerikan, Donald Trump ka bërë deklarata të forta lidhur me situatën në Iran, duke iu drejtuar drejtpërdrejt qytetarëve iranianë dhe duke i nxitur ata të vazhdojnë protestat kundër regjimit aktual. Në një mesazh publik, 79-vjeçari u bëri thirrje “patriotëve iranianë” që të mos ndalen, të marrin kontrollin e institucioneve të tyre “nëse është e mundur” dhe të dokumentojnë emrat e atyre që, sipas tij, janë përgjegjës për dhunë dhe abuzime ndaj popullit. “Ju po abuzoheni shumë rëndë”, u shpreh ai, duke shtuar se shifrat mbi viktimat janë të paqarta “dëgjoj pesë grupe të ndryshme shifrash. Edhe një vdekje e vetme është shumë”. Trump on Iran: To all Iranian patriots: keep protesting. Take over your institutions if possible. And save the names of the killers and the abusers that are abusing you. You’re being very badly abused, if the numbers are right. I hear five different sets of numbers. One death… pic.twitter.com/TWHUpJeC0F — Clash Report (@clashreport) January 13, 2026 Lideri amerikan e përshkroi Iranin si një vend që dikur ka qenë i madh, por që, sipas tij, u shkatërrua pasi “këta përbindësha” morën pushtetin. Ai përdori gjithashtu sloganin e tij të njohur politik, duke deklaruar “Bëjeni Iranin sërish të madh.” Në deklaratën e tij, ai e lidhi situatën në Iran edhe me politikën e brendshme amerikane, duke thënë se bota është në një gjendje të brishtë dhe se, sipas tij, nëse nuk do të kishte fituar zgjedhjet, një situatë e ngjashme mund t’i kishte ndodhur edhe Shteteve të Bashkuara. Deklaratat e Trumpit pritet të shkaktojnë reagime të forta, si në arenën ndërkombëtare ashtu edhe në qarqet e brendshme, për shkak të ndjeshmërisë së lartë të situatës në Iran dhe ndërhyrjes së drejtpërdrejtë në çështjet e brendshme të vendit. /Telegrafi/ Trump on Iran: And I say, make Iran great again — you know? It was a great country until these monsters came in and took it over. And it’s all very fragile. What happened to us? I’m telling you, if I didn’t win this election, it would have happened to us. pic.twitter.com/sPEEJO6LNQ — Clash Report (@clashreport) January 13, 2026