Donyell Malen është gati të bashkohet me Romën në formë huazimi nga Aston Villa, me marrëveshjen që tashmë është arritur plotësisht dhe sulmuesi holandez është autorizuar të udhëtojë për në kryeqytetin italian sot. Transferimi përfshin një tarifë huazimi prej 2 milionë funtesh dhe një klauzolë detyrimi për blerje prej 25 milionë funtesh që bëhet e detyrueshme, duke përmbushur të gjitha kushtet e Aston Villas, të negociuara nga drejtori sportiv i Romës, Ricky Massara. Konfirmimi i marrëveshjes mes klubeve për Malen ka ardhur nga eksperti italian i transferimeve, Fabrizio Romano, me anë të një postimi në faqen e tij private. “Donyell Malen te AS Roma, ja ku jemi! Marrëveshja është në vend me Aston Villan dhe agjentët e lojtarëve”. “Malen, i autorizuar nga Villa për të fluturuar për në Roma sot. Tarifa e huazimit prej 2 milionë funtesh, klauzola e blerjes prej 25 milionë funtesh do të bëhet e detyrueshme”, ka shkruar Romano. ? Donyell Malen to AS Roma, here we go! Deal in place with Aston Villa and player’s agents. Malen, authorized by Villa to fly to Roma today. £2m loan fee, £25m buy clause to become mandatory. #AVFC accept all conditions of loan deal, manager by Roma director Ricky Massara. pic.twitter.com/yvS024tHFU — Fabrizio Romano (@FabrizioRomano) January 14, 2026 Malen, i cili ka pasur vështirësi për minuta të rregullta në Villa që nga ardhja e tij në janar 2025, tani ka një fillim të ri në Serie A nën drejtimin e trajnerit të Romës, Gian Piero Gasperini. Sulmuesi anësor 26-vjeçar i sjell shpejtësi sulmit të Romës, ndërsa ata synojnë të ngjiten në tabelë dhe të luftojnë deri në fund për një vend që i dërgon në Ligën e Kampionëve. /Telegrafi/