Վաշինգտոնում ստորագրված շրջանակային համաձայնագիրը կարևոր քայլ էր՝ 2025 թվականի օգոստոսի 8-ին ձեռք բերված պայմանավորվածությունների գործնական իրականացման ճանապարհին։ Այս մասինհայտարարել է Ադրբեջանի ԱԳՆ խոսնակ Այխան Հաջիզադեն։ Նրա խոսքով՝ այս փաստաթղթի ընդունումը մեկ անգամ ևս վկայում է ամերիկյան կողմի՝ օգոստոսի 8-ի համաձայնագրին հավատարմության մասին։ «Սա կարևոր քայլ է նաև Հայաստանի կողմից իր պարտավորությունների կատարման տեսանկյունից»,- նշել է Հաջիզադեն՝ շեշտելով, որ Նախիջևանի հետ անխափան կապը շարունակում է մնալ Ադրբեջանի առանցքային առաջնահերթությունների թվում։ Հունվարի 13-ին Վաշինգտոնում կայացած բանակցություններից հետո, որոնք վարել են ԱՄՆ պետքարտուղար Մարկո Ռուբիոն ու ՀՀ արտաքին գործերի նախարար Արարատ Միրզոյանը, հրապարակվել է ՀՀ-ԱՄՆ համատեղ հայտարարությունը «Թրամփի ուղի՝ հանուն միջազգային խաղաղության և բարգավաճման» (TRIPP) նախագծի վերաբերյալ։ The post Վաշինգտոնում ստորագրված համաձայնագիրը կարևոր քայլ է․ Հաջիզադե appeared first on CIVILNET .