Bandaríkin hafa hafið sölu á olíu frá Venesúela. Þetta staðfestir embættismaður bandarísku ríkisstjórnarinnar. CNN greinir frá. Talið er að andvirði seldrar olíu sé um 500 milljónir bandaríkjadala. Búist er við enn frekari sölu olíu á næstu dögum og vikum. Frá því að Bandaríkin réðust inn í Venesúela og handömuðu forseta landsins, Nicolas Maduro, hefur Donald Trump Bandaríkjaforseti gert það ljóst að hann hyggst nýta sér olíubirgðir landsins. Delcy Rodrúguez, fyrrverandi varaforseti Venesúela stýrir nú landinu. Áður hefur Trump sagt að Venesúela muni afhenda Bandaríkjunum um 30 til 50 milljónir olíutunna af hágæðaolíu; tekjurnar segir hann muni renna til íbúa Venesúela og Bandaríkjanna. Áætlanir forsetans hafa þó mætt efasemdum frá bandarískum olíufyrirtækjum sem funduðu með forsetanum í seinustu viku.