Almudena Otero Villena (Ceuta, 1974), licenciada en Xornalismo e doutora en Filoloxía Alemá, especialista en literatura medieval, é grande coñecedora da obra de Mechthild von Magdeburg, do Mestre Eckhart ou de Hildegart von Bingen. Desde o diálogo coa mística e co pensamento islámico nacen os ensaios 'ayn. O ollo e a fonte (2017); da súa indagación sobre a identidade e a fronteira xorde o poemario Diario dos mapas (2020). Conversamos con ela como a tradutora de Cartas desde a cadea de Rosa Luxemburg.