Իրանում բողոքի ցույցերի ընթացքում զոհվել է երկու հայ, լրագրողների հետ զրույցում հայտարարեց Սփյուռքի գործերի գլխավոր հանձնակատար Զարեհ Սինանյանը: «Մեկ զոհ հաստատված է, կարծեմ երկրորդ զոհն էլ է հաստատված։ Ավելի մեծ թվերի մասին է խոսվում, ես էլ եմ լսել 12, 6 զոհի մասին, բայց հաստատված գիտեմ երկուսը», - ասաց Սինանյանը: Իրանից Հայաստան ժամանողներից ոմանք նույնպես «Ազատությանն» ասել էին, որ հայերի շրջանում զոհեր կան: Օրեր առաջ Սինանյանը նաև հայտնել էր, որ չեն կարողանում կապ հաստատել Հայաստանի քաղաքացիների հետ: