Ngjarjet e 15 januarit të vitit 1999 në Reçak, kur vdiqën më shumë se 40 shqiptarë kosovarë, për Prishtinën është masakër ndaj civilëve, për Beogradin-aksion legjitim antiterrorist. Aktakuza që ngriti Prokuroria Speciale e Kosovës para dy javësh për rastin e Reçakut ndaj 21 personave, për një është të kërkosh drejtësi, për tjetrin frikësim për sërbët. Uilliam Uoker, ish shefi i Misionit Verifikues të OSBE i cili para 27 viteve paraqiti pretendimin se në Reçak janë vrarë civilë, për Prishtinën është njeriu që zbuloi të vërtetën, për Beogradin kjo e vërtetë është e fabrikuar, ndërsa Uoker është lobist shqiptar.