پاکستان، مصر، اردن، متحدہ عرب امارات، انڈونیشیا، ترکی، سعودی عرب اور قطر کے وزرائے خارجہ نے غزہ پٹی کے انتظام کے لیے تشکیل دی گئی ’نیشنل کمیٹی فار ایڈمنسٹریشن آف غزہ‘ (این سی اے جی) کے اعلان کا خیر مقدم کیا ہے۔ یہ کمیٹی 14 جنوری 2026 کو اقوام متحدہ کی سلامتی کونسل کی قرارداد 2803 کے تحت ایک عبوری انتظامی ڈھانچے کے طور پر قائم کی گئی ہے، جو جامع امن منصوبے کے دوسرے مرحلے کا حصہ ہے اور فلسطینی اتھارٹی کے تعاون سے کام کرے گی۔ دفتر خارجہ کی جانب سے جاری مشترکہ بیان کے مطابق کمیٹی کا قیام غزہ میں روزمرہ امور کے انتظام کو بہتر بنانے اور غرب اردن اور غزہ کے ادارہ جاتی و جغرافیائی ربط کو برقرار رکھنے کے لیے اہم قدم ہے۔ آٹھ ممالک وزرائے خارجہ نے واضح کیا کہ غزہ کی وحدت کو برقرار رکھنا اور اسے تقسیم کرنے کی کسی بھی کوشش کو مسترد کرنا بنیادی اصول ہے۔ مزید برآں ان ممالک کے وزرائے خارجہ نے امریکی صدر ڈونلڈ ٹرمپ کے امن منصوبے کے دوسرے مرحلے کے آغاز کا بھی خیرمقدم کیا اور غزہ میں جنگ بندی کے لیے ان کی کوششوں کو سراہا۔ مزید پڑھ اس سیکشن میں متعلقہ حوالہ پوائنٹس شامل ہیں (Related Nodes field) بیان میں صدر ٹرمپ کے کردار کی تعریف کرتے ہوئے کہا گیا کہ ان کی کوششوں سے غزہ میں جنگ کے خاتمے، اسرائیلی فوج کے انخلا، مغربی کنارے کے الحاق کی روک تھام اور خطے میں امن کے فروغ کی راہ ہموار ہوئی ہے۔ مشترکہ بیان میں جنگ بندی کو مضبوط بنانے، خلاف ورزیوں کے خاتمے اور غزہ میں انسانی امداد کی بلا روک ٹوک فراہمی یقینی بنانے پر زور دیا گیا۔ ساتھ ہی غزہ کی تعمیرِ نو اور بحالی کے ابتدائی اقدامات شروع کرنے اور فلسطینی اتھارٹی کی واپسی کا راستہ ہموار کرنے کی بھی اپیل کی گئی۔ بیان میں کہا گیا کہ دیرپا اور جامع امن کے لیے اقوام متحدہ کی قراردادوں، عرب امن منصوبے اور دو ریاستی حل کے مطابق فلسطینی علاقوں سے قبضے کے مکمل خاتمے اور 1967 کی سرحدوں پر مشرقی بیت المقدس کو دارالحکومت بنا کر آزاد فلسطینی ریاست کے قیام کی ضرورت ہے۔ غزہ تعمیر نو فائر بندی اسرائیلی جارحیت مسلم ممالک دفتر خارجہ کی جانب سے جاری مشترکہ بیان کے مطابق کمیٹی کا قیام غزہ میں روزمرہ امور کے انتظام کو بہتر بنانے اور غرب اردن اور غزہ کے ادارہ جاتی و جغرافیائی ربط کو برقرار رکھنے کے لیے اہم قدم ہے۔ انڈپینڈنٹ اردو جمعرات, جنوری 15, 2026 - 22:30 Main image:

موسم سرما کی پہلی بارش کے دوران غزہ شہر میں نقل مکانی کرنے والے فلسطینیوں کے قائم کیمپ میں خاتون اور ان کے بچوں نے خیمے میں پناہ لے رکھی ہے (اے ایف پی)

دنیا type: news related nodes: پاکستان سمیت آٹھ مسلم ممالک کا غزہ میں فوری، بلا رکاوٹ امداد کا مطالبہ غزہ میں صورت حال ’تباہ کن‘، اسرائیل راستے کھولے: 10 ممالک کا بیان غزہ امن فورس کا حصہ بننے کو تیار ہیں اگر مینڈیٹ حماس کو غیر مسلح کرنا نہ ہو: اسحاق ڈار غزہ کی تعمیر نو کے لیے امریکہ کا عالمی کانفرنس کا ارادہ SEO Title: پاکستان، سعودی عرب سمیت آٹھ ممالک کا فلسطینی ٹیکنوکریٹ کمیٹی کے قیام کا خیرمقدم copyright: Translator name: عبدالقیوم show related homepage: Show on Homepage