The Cambodia Daily វេណេហ្ស៊ុយអេឡា បន្តដោះលែងអ្នកទោសនយោបាយជាង ៤០០នាក់ ខណៈអង្គការសិទ្ធិមនុស្សរកឃើញថាភាគច្រើនជិតដល់ថ្ងៃដោះលែង
ប្រធានរដ្ឋសភានៃប្រទេសវេណេហ្ស៊ុយអេឡា លោក Jorge (Horhé = Horhay) Rodriguez ប្រកាសថារដ្ឋាភិបាលនៅក្រោមការដឹកនាំរបស់ប្រធានាធិបតីស្ដីទីអ្នកស្រី Delcy Rodriguez បានដោះលែងអ្នកទោសជាង ៤០០នាក់ ចាប់តាំងពីសប្ដាហ៍មុនមកនេះ។ ប្រធានរដ្ឋសភានៃប្រទេសវេណេហ្ស៊ុយអេឡា លោក Jorge Rodriguez បានប្រកាសដូចនេះនៅក្នុងអំឡុងសម័យប្រជុំសភាកាលពីថ្ងៃអង្គារ ទី១២ ខែមករា ឆ្នាំ២០២៦។ នេះបើតាមបណ្ដាញផ្សាយព័ត៌មាន Aljazeera នៅថ្ងៃទី១៣ ខែមករា ឆ្នាំ២០២៦។ លោក Jorge Rodriguez បានប្រាប់សមាជិកសភាវេណេហ្ស៊ុយអេឡា ថា ការដោះលែងអ្នកទោសទាំងនោះជាស្មារតីមួយនៃការបន្ធូរបន្ថយស្ថានភាពតានតឹងនយោបាយក្នុងប្រទេស ប៉ុន្តែប្រធានរដ្ឋសភារូបនេះមិនហៅអ្នកទាំងនោះជាអ្នកទោសនយោបាយអ្វីទេ ព្រោះថាពួកគេជាអ្នកនយោបាយមែន តែពួកគេមានទោសដោយសាររំលោភបំពានច្បាប់ និងរដ្ឋធម្មនុញ្ញប្រទេសនេះ ដែលលោកថាអ្នកទោសទាំងនោះគ្រាន់តែហៅខ្លួនឯងជាអ្នកទោសនយោបាយប៉ុណ្ណោះ។ តាមទីភ្នាក់ងារព័ត៌មានបារាំង AFP ដែលស្រង់ប្រភពមន្ត្រីក្រសួងការបរទេសសហរដ្ឋអាមេរិក អ្នកទោសទាំង ៤០០នាក់ត្រូវបានដោះលែងឱ្យមានសេរីភាពឡើងវិញនោះ ក៏មានពលរដ្ឋអាមេរិកាំងផងដែរ។ មន្ត្រីសេតវិមាន សាទរដែលពលរដ្ឋអាមេរិកាំងត្រូវបានផ្ដល់សេរីភាពឡើងវិញ ដែលចាត់ទុកថានេះជាជំហានដ៏សំខាន់ក្នុងស្មារតីសហប្រតិបត្តិការល្អមួយពីរដ្ឋាភិបាលបណ្ដោះអាសន្ននៅវេណេហ្ស៊ុយអេឡា នៅពេលនេះ។ ប្រធានាធិបតីសហរដ្ឋអាមេរិក លោក ដូណាល់ ត្រាំ ចាត់ទុកជាការដោះលែងអ្នកទោសនយោបាយយ៉ាងធំមួយចាប់តាំងពីការចាប់ខ្លួនលោក នីកូឡាស ម៉ាឌូរ៉ូ នៅថ្ងៃទី៣ […] The post វេណេហ្ស៊ុយអេឡា បន្តដោះលែងអ្នកទោសនយោបាយជាង ៤០០នាក់ ខណៈអង្គការសិទ្ធិមនុស្សរកឃើញថាភាគច្រើនជិតដល់ថ្ងៃដោះលែង appeared first on The Cambodia Daily Khmer .