म्याग्दी – यहाँका एक जना किसानले एक सय २० मुरी धान फलाएको छ । मङ्गला गाउँपालिका–२ सिमका किसान ध्रुव खत्रीले यस वर्ष यो परिमाणको धान उत्पादन गर्नुभएको हो । खत्री सम्भवतः जिल्लामा सबैभन्दा धेरै धान फलाउने किसान भएको दाबी गरिएको छ । खत्रीको दुईतले घरमा राखिएका भकारी धानले भरिएका छन् । ‘एक सय रोपनी खेतमा एक सय ५० मुरी धान फलाउने लक्ष्य थियो’, उहाँले भन्नुभयो, ‘गत वर्षको तुलनामा २० मुरी बढी धान उत्पादन भए पनि मौसमले साथ नदिँदा लक्ष्यभन्दा कम भयो ।’ सिमकाजी ब्रर्दश भेन्चर प्रालिमार्फत र...