ភ្នំពេញ ៖ ទីតាំងលក់ចែកចាយបារីអេឡិចត្រូនិក (Vape) មួយកន្លែង​ ត្រូវបានកងរាជអាវុធហត្ថ​រាជធានីភ្នំពេញ ឆ្មក់ចុះបង្ក្រាបដោយចាប់យក ឧបករណ៍អេឡិចត្រូនិកសម្រាប់ជក់សារធាតុគីមី​ ​ជាច្រេីន​ កាល​ពី​វេលា​ម៉ោង​១០ ​យប់​ត្រូវ​និង​ថ្ងៃ​ទី​១៥​ ខែ​មករា​ ឆ្នាំ​២០២៦​ ស្ថិត​នៅ​តាមបណ្តោយ​ផ្លូវ​លេខ​១៧២​ ក្នុងសង្កាត់​ជ័យជម្នះ​ ខណ្ឌ​ដូនពេញ​ រាជធានី​ភ្នំពេញ​ ។  តាមការបញ្ជាក់ពីកម្លាំងជំនាញ បានឲ្យដឹងថា ដោយទទួលបាននូវការរាយការណ៍ពីប្រជាពលរដ្ឋ ថាទីតាំងផ្ទះខាងលើនេះ មានលួចលាក់បង្កប់ បើកលក់នូវបារីអេឡិចត្រូនិច ( Vape) គ្រប់រសជាតិ យ៉ាងច្រើន​ ។ ក្រោយពីទទួលបានព័ត៌មានកម្លាំងក៏បានចុះទៅសេីបអង្កេតរហូតកំណត់បាននឹងចុះទៅបង្ក្រាបតែម្តង។    ក្រោយ​កេីត​ហេតុ​ កម្លាំង​កងរាជអាវុធហត្ថ​ ឃាត់ខ្លួនម្ចាស់ទីតាំង បញ្ជូនទៅបញ្ជាការដ្ឋានកងរាជអាវុធហត្ថរាជធានីភ្នំពេញ ដើម្បីចាត់ការតាមនីតិវិធីច្បាប់ ៕ អត្ថបទ ៖សុខាសែនជ័យ