Profesori i së drejtës evropiane, Avni Mazreku, vlerëson se bota sot po lëviz nga unipolariteti drejt multipolaritetit, në funksion të një konfigurimi të ri global, gjë që do të ketë edhe pasoja juridike. Sa i përket reperkusioneve të zhvillimeve globale në rajon, veçanërisht në marrëdhëniet ndërmjet Serbisë dhe Kosovës, ai vlerëson se faktorët politikë në Kosovë dhe në Serbi do të jenë të ekspozuar ndaj presionit politik dhe diplomatik me qëllim që të shmanget përshkallëzimi në Ballkanin Perëndimor.