The Cambodia Daily សហគមន៍អន្តរជាតិនៅតែផ្ដោតការចាប់អារម្មណ៍លើលោក កឹម សុខា ប្រធានគណបក្សសង្គ្រោះជាតិ
អ្នកច្បាប់នៅប្រទេសកម្ពុជា លើកឡើងថា សហគមន៍អន្តរជាតិនៅតែផ្ដោតការចាប់អារម្មណ៍លើប្រធានគណបក្សសង្គ្រោះជាតិ លោក កឹម សុខា ដែលកំពុងត្រូវបានឃុំខ្លួនក្នុងផ្ទះ ព្រោះពួកគេចង់ឃើញដំណោះស្រាយនយោបាយនៅប្រទេសនេះ ជាពិសេសការផ្សះផ្សាជាតិដើម្បីផលប្រយោជន៍ជាតិ និងប្រជាពលរដ្ឋខ្មែរ។ សហមេធាវីការពារក្តីមេដឹកនាំបក្សប្រឆាំង អ្នកស្រី ម៉េង សុភារី សរសេរលើគណនីហ្វេសប៊ុករបស់ខ្លួននៅថ្ងៃទី១៥ មករា នេះថា ស្ថិតក្នុងស្ថានភាពប្រទេសជាតិទទួលរងនូវអំពើឈ្លានពានពីបរទេស ប្រជាពលរដ្ឋខ្មែរដែលមានការឈឺចាប់ បំផុសនូវចរន្តចង់ឲ្យមេដឹកនាំ និងអ្នកនយោបាយខ្មែរផ្សះផ្សា បង្រួបបង្រួម សាមគ្គី និងឯកភាពជាតិ។ មេធាវីរូបនេះលើកឡើងថា រហូតដល់ពេលនេះ សហគមន៍អន្តរជាតិ ដូចជាសហភាពអឺរ៉ុប កាណាដា អូស្ត្រាលី និងសហរដ្ឋអាមេរិក ជាដើម នៅតែផ្ដោតការចាប់អារម្មណ៍លើករណីប្រធានគណបក្សសង្គ្រោះជាតិ លោក កឹម សុខា ដែលកំពុងត្រូវបានឃុំខ្លួនក្នុងផ្ទះនៅប្រទេសកម្ពុជា សព្វថ្ងៃនេះ។ អ្នកស្រី ម៉េង សុភារី បញ្ជាក់ថា បរទេសទាំងនោះនៅតែចង់ឃើញការផ្សះផ្សាជាតិរវាងខ្មែរ និងខ្មែរ ដើម្បីប្រយោជន៍ប្រទេសកម្ពុជា និងប្រជាពលរដ្ឋខ្មែរ ទោះបីជាមានបុគ្គលខ្លះកំពុងបំបែកបំបាក់មិនឲ្យខ្មែរផ្សះផ្សា រួបរួមសាមគ្គីជាតិក៏ដោយ។ ការអះអាងនេះ ធ្វើឡើងស្របពេលដែលគេមើលឃើញថា ទំនាស់អ្នកនយោបាយខ្មែរនៅតែក្តៅគគុក ទោះបីជាប្រទេសជាតិបានធ្លាក់ទៅក្នុងវិបត្តិនៃចម្បាំងរាំងជល់ជាមួយប្រទេសជិតខាងក៏ដោយ។ កាលពីថ្ងៃទី១៣ ខែមករា ឆ្នាំ២០២៦ […] The post សហគមន៍អន្តរជាតិនៅតែផ្ដោតការចាប់អារម្មណ៍លើលោក កឹម សុខា ប្រធានគណបក្សសង្គ្រោះជាតិ appeared first on The Cambodia Daily Khmer .